Þakka Guði fyrir að Árni Johnsen skuli vera jafn illa gefinn og raun ber vitni. Annars væri hann virkilega hættulegur. Maður veit a.m.k. hvar maður hefur hann.

Hangi á heilsugæslu Akraness. Dauði, dauði, d-AU-ði. Hef hins vegar uppgötvað í leiðindum mínum einhverja glæsilegustu leikkonu fyrri tíma. Hana Dorothy Dandridge. Glöggir lesendur muna e.t.v. eftir þakkarræðu Halle Berry er hún tók við Óskarnum, þar sem hún þakkar/grætur/heiðrar Dorothy. En hún Dorothy er einmitt svartasta hvíta konan sem ég hef nokkurn tímann séð.

Finnst ég vera að missa virðingu kisa. Sakna 31. tannarinnar.

Ég mátti ekki horfa á sjónvarp í viku. En í dag má ég það. Lífið er hverfult. En ég er ekki lengur með Digital Ísland. Lífið er hverfult. Í síðustu viku var ég með 31 tönn. Í dag er ég með 30 tennur. Lífið er svo sannarlega hverfult.

Kisi er sofandi. Hann er miklu sniðugri en ég. Svo er hann með feld, einnig sniðugt. Veit ekki með þessar klofsleikingar. Próf á eftir. Langar ekki. Vil ekki. Get ekki. Svo virðist hann geta sofnað hvar sem er. Sofnaði ofan í þvottakörfunni í gær. Skrýtin lykt af honum í dag.